Водејќи се од сопствените инстинкти и почитувајќи ги вредностите на македонското народно творештво, особено на музичко поле, Мистер Компани од 1991 година започна со собирање народни и староградски песни од сите краеви на Македонија, со цел да ги овековечи со носачи на звук и слика. Целта е јасна, а се однесува на продолжување на македонската традиција преку старата македонска народна песна, нејзина промоција и пласман до сите краеви на светот. Како резултат на оваа идеја се изродија музичките колекции: “Антологија на македонската народна песна”, “Фолк спомени од Македонија”, “Македонски патриотски песни”, “Македонски народни песни”, “Македонски староградски песни”.