Ви го најавуваме настанот ,,Театарски викенд на отворено“, кој Театар Комедија ќе го реализира во соработка со Градскиот трговски центар, во периодот од 11 до 13 јуни. На репертоарот се претставите: ,,Вечера за глупаци“ (11 јуни, петок), ,,На отворено“ (12 јуни, сабота) и ,,Чао пријатно!“ (13 јуни, недела). Претставите ќе се играат на отворени сцени на лоцирани кај петтата фасада на ГТЦ (влезот од страната на плоштад, по скалите најгоре) и во Зелената градина на покривот на ГТЦ, со почеток во 21 часот, со запазени мерки за одржување настани на отворено.
Билетите за настанот ќе бидат во продажба од утре, а ќе може да ги купите од билетарницата на Театар Комедија (секој ден од 10 до 18 часот).
